• మిద్దె పంటలు భళా.. మహానగరంలో పెరుగుతున్న ‘టెర్రస్‌ గార్డెనింగ్‌’
• శివారు ప్రాంతాలకు సైతం విస్తరించిన కల్చర్‌
• ఇంటిపైనే సులభంగా టమాట, కొత్తిమీర, పుదీనా సాగు
• డాబాలే ఆహారభద్రతకు ఆసరా అంటున్న ఉద్యాన అధికారులు

హైదరాబాద్‌ సిటీ: ఎల్‌నినో పరిస్థితుల కారణంగా మార్కెట్‌లో కూరగాయల రేట్లు మండిపోతున్నాయి. వీటిని కొనలేక సామాన్య, మధ్య తరగతి ప్రజలు ఇబ్బంది పడుతున్నారు. ఇటువంటి పరిస్థితిని అధిగమించేందుకు మిద్దె పంటలే చక్కని పరిష్కారమని ఉద్యాన అధికారులు అంటున్నారు.

దిగుమతులు తగ్గుముఖం..!

నగర వాసులు రోజుకు 45వేల క్వింటాళ్ల వరకు కూరగాయలు అవసరం పడుతుంటాయి. ఇందులో హోటళ్లు, రెస్టారెంట్లు, మెస్‌లకు 40శాతం వెళ్తుంటాయి. అయితే ఎల్‌నినో వర్షాభావ పరిస్థితులతో తెలంగాణలో కూరగాయల సాగు తగ్గుముఖం పట్టింది. ఫలితంగా నగర శివారులోని ప్రాంతాల నుంచి కూరగాయలు తక్కువగా దిగుమతి అవుతున్నాయి. దీంతో నగరవాసులు మహారాష్ట్ర, కర్ణాటక రాష్ర్టాల నుంచి వచ్చే కూరగాయలపై ఆధారపడాల్సి వస్తోంది.