కువైట్‌లో అక్టోబర్ 29 నుంచి చల్లబడనున్న రాత్రులు.. ప్రారంభం కానున్న అల్ సిమాక్ సీజన్

కువైట్  అక్టోబర్ 29వ తేదీ గురువారం నుంచి వసీమ్ సీజన్ రెండో దశ అయిన ‘అల్ సిమాక్’ ప్రారంభం కానుంది. ఈ దశ 13 రోజుల పాటు కొనసాగుతుందని అల్ ఉజైరి సైంటిఫిక్ సెంటర్ వెల్లడించింది.

ఈ కాలంలో రాత్రి వేళల్లో చలి పెరుగుతుందని, సూర్యోదయ సమయంలో తేమతో కూడిన గాలులు వీస్తాయని తెలిపింది. అలాగే రాత్రి సమయం క్రమంగా పెరిగి, పగటి సమయం తగ్గుతుందని పేర్కొంది.

అల్ సిమాక్ సీజన్‌లో ముఖ్యంగా ఉదయం వేళల్లో నీరు మరింత చల్లగా మారుతుంది. ఈ కాలంలో వర్షాలు కురిసే అవకాశాలు కూడా పెరుగుతాయని శాస్త్రీయ కేంద్రం తెలిపింది.

గతంలో ఈ సీజన్ ప్రారంభాన్ని గొర్రెల ప్రసవాలు పెరగడం ద్వారా గుర్తించేవారని వివరించింది.

ఈ సమయంలో సూర్యాస్తమయం ముందుగానే జరుగుతుందని, రాత్రులు ఎక్కువ సమయం ఉంటాయని పేర్కొంది. అలాగే సంవత్సరంలో మధ్యాహ్న ప్రార్థన (జుహర్ నమాజ్) అత్యంత ముందుగా జరిగే సమయం కూడా ఈ సీజన్‌లోనే ఉంటుందని తెలిపింది.

ప్రజలు నమాజ్ సమయాలు, ఇతర సమయ పట్టికల వివరాలను అల్ ఉజైరి యాప్ ద్వారా తెలుసుకోవాలని కేంద్రం సూచించింది.

ఇదీ చదవండి :: ఉమ్మడి అనంత మున్సిపాలిటీలన్నీ కూటమికే