9 టు 5 ఉద్యోగం చేయలేక ఆరుసార్లు కెరీర్ మార్చుకుంది.. రాజస్థాన్ మహిళ కథ వైరల్..

జీవితంలో స్థిరపడాలంటే మంచి ఉద్యోగం, నెలనెలా జీతం, పెళ్లి, కుటుంబం.. ఇవే అవసరమని చాలామంది భావిస్తారు. కానీ కొందరు మాత్రం తమకు నచ్చిన విధంగా జీవించేందుకు భిన్నమైన మార్గాలను ఎంచుకుంటారు. తనకు నచ్చిన ఉద్యోగం మాత్రమే చేస్తారు. రాజస్థాన్‌కు చెందిన 30 ఏళ్ల హిమానీ మిట్టల్ (Himani Mittal) కూడా అలాంటి వారిలో ఒకరు. ఉదయం 9 గంటల నుంచి సాయంత్రం 5 గంటల వరకు సాగే ఉద్యోగం చేయడం ఆమెకు ఇష్టం లేదు. అందుకే ఆమె ఇప్పటివరకు ఆరు సార్లు కెరీర్ మార్చుకుని తనకు నచ్చిన రీతిలో నడుస్తోంది.రాజస్థాన్‌లోని అబూ రోడ్‌కు చెందిన హిమానీ మిట్టల్ చిన్న వయసులోనే ఆర్థికంగా స్వతంత్రంగా ఉండటం ఎంత ముఖ్యమో గుర్తించారు. ఈ లక్ష్యంతోనే 21 ఏళ్ల వయసులో స్పానిష్ భాష బోధించడం ప్రారంభించారు. అప్పటికి ఆమె ఆ భాషను నేర్చుకుంటున్నప్పటికీ, బోధన ద్వారా ఆదాయం సంపాదించే ప్రయత్నం చేశారు. కోవిడ్ మహమ్మారి సమయంలో ఆమె వయసు 23 ఏళ్లు. ఆ సమయంలో తన పనిని పూర్తిగా ఆన్‌లైన్‌లోకి మార్చుకున్నారు. దీంతో ఇంటి నుంచే పని చేస్తూ కొత్త అవకాశాలను అన్వేషించే వీలు కలిగింది. చిత్ర నిర్మాణంలో ఉన్నత విద్యను పూర్తి చేసిన తర్వాత 25 ఏళ్ల వయసులో హిమానీ స్పెయిన్‌కు వెళ్లారు (Rajasthan Woman Viral Story).

ఇదీ చదవండి :: ఉమ్మడి అనంత మున్సిపాలిటీలన్నీ కూటమికే