బంగ్లాదేశ్‌లో సంక్షోభం... భారత్‌కు బంపర్ అవకాశం!

కేవలం రెండు రోజుల్లోనే బంగ్లాదేశ్‌లో దాదాపు 500 టెక్స్‌టైల్ ఫ్యాక్టరీలు, మిల్లులు మూతపడే పరిస్థితి!

మరోవైపు 17% దూసుకెళ్లిన భారత టెక్స్‌టైల్ ఎగుమతులు!

బంగ్లాదేశ్ వస్త్ర పరిశ్రమ తీవ్ర సంక్షోభంలో పడింది.

ప్రధాన పారిశ్రామిక ప్రాంతాల్లో కార్మికులు కనీస వేతనాల పెంపు కోసం చేస్తున్న ఆందోళనలు ఉధృతం కావడంతో,

కేవలం రెండు రోజుల్లోనే సుమారు ఐదు వందలు గార్మెంట్స్,

టెక్స్‌టైల్ ఫ్యాక్టరీలు మూతపడే స్థాయికి చేరాయి.

అషులియా, గాజీపూర్ నుంచి సవార్, మిర్పూర్ వరకు కార్మికుల నిరసనలతో ఫ్యాక్టరీల కార్యకలాపాలు నిలిచిపోయాయి.

రోడ్ల దిగ్బంధనాలు, ఘర్షణలతో ఉత్పత్తి పూర్తిగా స్తంభించిపోయింది.

బంగ్లాదేశ్ మొత్తం ఎగుమతుల్లో 80 శాతానికి పైగా వాటా ఉన్న పరిశ్రమపై ఇది తీవ్ర ప్రభావం చూపుతోంది.

ఈ సంక్షోభానికి ప్రధాన కారణం వేతన వివాదమే.

పెరుగుతున్న జీవన వ్యయాలకు తగినట్లుగా కనీస వేతనాన్ని భారీగా పెంచాలని కార్మికులు డిమాండ్ చేస్తున్నారు.

ప్రభుత్వం జరిపిన చర్చలు ఇప్పటివరకు ఎలాంటి ఫలితాన్ని ఇవ్వలేదు.

బంగ్లాదేశ్‌కు ఇది కేవలం కార్మికుల సమస్య మాత్రమే కాదు;

గార్మెంట్ రంగమే ఆ దేశ ఆర్థిక వ్యవస్థకు వెన్నెముక.

ఫ్యాక్టరీలు ఇలాగే ఎక్కువ రోజులు మూతపడితే ఆర్డర్లు ఆలస్యమై,

సరఫరా గొలుసు (supply chain) దెబ్బతిని,

అంతర్జాతీయ కొనుగోలుదారుల్లో తీవ్ర ఆందోళన మొదలవుతుంది.

అయితే ఇక్కడే కథ ఒక కీలక మలుపు తిరిగింది!

ఒకవైపు బంగ్లాదేశ్ గార్మెంట్ రంగం ఫ్యాక్టరీల మూసివేత, కార్మిక ఉద్యమాలతో సతమతమవుతుంటే...

మరోవైపు భారత టెక్స్‌టైల్ ఎగుమతులు భారీగా పుంజుకుంటున్నాయి!

భారత్ తన టెక్స్‌టైల్ ఎగుమతుల్లో సుమారు 17% వృద్ధిని నమోదు చేసింది.

ఇందులో టెక్స్‌టైల్ ఎగుమతులు దాదాపు 20% పెరగగా, రెడీమేడ్ దుస్తుల (Apparel) ఎగుమతులు సుమారు 13% మేర పెరిగాయి.

ఇన్వర్టెడ్ జీఎస్టీ వల్ల తయారీదారులకు వస్తున్న వర్కింగ్ క్యాపిటల్ సమస్యలను పరిష్కరిస్తూ,

పీఎం మిత్రా (PM MITRA) మెగా టెక్స్‌టైల్ పార్కులు, పీఎల్‌ఐ (PLI) ప్రోత్సాహకాలతో భారత్ తన ఉత్పత్తి సామర్థ్యాన్ని వేగంగా విస్తరిస్తోంది.

ప్రపంచవ్యాప్తంగా దుస్తుల బ్రాండ్లు ఎల్లప్పుడూ నమ్మకమైన,

నాణ్యమైన తయారీ కేంద్రాల కోసమే చూస్తాయి.

ప్రస్తుతం బంగ్లాదేశ్ తన ఫ్యాక్టరీలను నడపడానికే నానా తంటాలు పడుతుంటే,

ఆ అవకాశాన్ని అందిపుచ్చుకోవడానికి భారత్ అన్ని విధాలా సిద్ధంగా ఉంది.

బంగ్లాదేశ్‌లో ఈ సమస్య ఇలాగే కొనసాగి,

భారత్ తన ఎగుమతుల జోరును కొనసాగిస్తే...

గ్లోబల్ టెక్స్‌టైల్ ఆర్డర్లు భారీ ఎత్తున భారత్ వైపు మళ్లడం ఖాయం!

ఇదీ చదవండి :: ఉమ్మడి అనంత మున్సిపాలిటీలన్నీ కూటమికే