జిల్లాలోని 8 పోలింగ్ కేంద్రాల్లో నేడు రీపోలింగ్...
Want this news as a newspaper clip?
- జిల్లా కలెక్టర్, జిల్లా ఎన్నికల అధికారి డా. శ్రీధర్ చెరుకూరి
* కడపలో -1, జమ్మలమడుగులో -3, పులివెందులలో - 4 పోలింగ్ కేంద్రాల్లో ఉ౹౹ 7 నుంచి సా౹౹ 5 గం. వరకు పోలింగ్
* ఓటర్లు గమనించి తమ ఓటు హక్కును వినియోగించుకోవాలి
కడప, నవంబర్ 2 : రాష్ట్ర ఎన్నికల సంఘం ఆదేశాల మేరకు వైఎస్సార్ కడప జిల్లాలోని కడప నగరపాలక సంస్థ, జమ్మలమడుగు, పులివెందుల మున్సిపాలిటీల పరిధిలో మొత్తం 8 పోలింగ్ కేంద్రాల్లో సోమవారం (నవంబర్ 2) రీపోలింగ్ నిర్వహిస్తున్నట్లు జిల్లా కలెక్టర్, జిల్లా ఎన్నికల అధికారి డా. శ్రీధర్ చెరుకూరి తెలిపారు.
కడప నగరపాలక సంస్థలోని 15వ వార్డు పరిధిలో పోలింగ్ కేంద్రం నంబర్ 15/2లో, జమ్మలమడుగు మున్సిపాలిటీలోని 3వ, 17వ, 29వ వార్డులకు చెందిన 3/2, 17/1, 29/1 పోలింగ్ కేంద్రాల్లో, పులివెందుల మున్సిపాలిటీలోని 1, 3, 7, 8వ వార్డులకు చెందిన 1/1, 3/1, 7/1, 8/1 పోలింగ్ కేంద్రాల్లో రీపోలింగ్ జరగనుంది.
ఈ కేంద్రాల్లో నవంబర్ 1వ తేదీన జరిగిన పోలింగ్‌ను రాష్ట్ర ఎన్నికల సంఘం రద్దు చేస్తూ, నవంబర్ 2వ తేదీన తాజాగా పోలింగ్ నిర్వహించాలని ఆదేశాలు జారీ చేసిందన్నారు.
సూచించిన ఆయా పోలింగ్ కేంద్రాల్లో.. రీపోలింగ్ ఉదయం 7 గంటల నుంచి సాయంత్రం 5 గంటల వరకు కొనసాగుతుందని, సంబంధిత పోలింగ్ కేంద్రాల పరిధిలోని పోటీ చేస్తున్న అభ్యర్థులు, ఓటర్లు ఈ విషయాన్ని గమనించాలని కలెక్టర్ సూచించారు. అర్హులైన ఓటర్లు ఆయా పోలింగ్ కేంద్రాలకు చేరుకుని తమ ఓటు హక్కును సద్వినియోగం చేసుకోవాలని కోరారు.
ఇదీ చదవండి :: ఉమ్మడి అనంత మున్సిపాలిటీలన్నీ కూటమికే
About the author
భవ్య జర్నలిస్ట్
Editor
ANDHRA PRADESH
Digital News Creator with 7 years of experience in journalism, content writing, political reporting, SEO, and social media management.
